tg-me.com/qesas_sd/24439
Last Update:
فقال عبد الله : رجل يحمل من الكره لمحمد أكثر منك، وسمعت بجمعك هذا و جيشك هذا ،فجئت أفعل كما تفعل،،
فقال خالد: أجل..
و بيحكى عبد الله و يقول : فظللت أتودد إليه حتى جعلنى حارسه الخاص🫢 ( بيخطط ويفكر و أكيد أخد مدة عشان يوصل لكدة)
المهم فى ليلة دخل عبد الله بن أنيس بعد ما خلاص بقى حارس من حراس خالد ..و دخل لخيمة خالد و قتلو.. فصرخت النساء فانطلق عبدالله من الخيمة يجرى🏃🏾♂️.. و اتجمع ناس من الجيش عشان ييجروا وراهو ، شاف عبد الله كهف و ادسي فيهو تلاته أيام ، فبيقول : كنت لا أجد إلا ورق الشجر أكله، حتى تشتت الجيش و عدت إلى المدينة .. 😰
عبد الله راجع بسرعة يبشر النبى🥳 😍..
طيب هو النبىﷺ وين حاليا..قاعد ونايم ومرتاح؟
لا ..حبيبى رسول اللهﷺ ،كان واقف على باب المدينة قلقان ما بينوم😢 لحدي ما شاف عبد الله داخل المدينة من بعيد فقال له: أأفلح الوجه؟
فرد عبد الله و قال : فعلتها يا رسول الله،ﷺ😍😍🥳
فقال النبىﷺ الله أكبر.. الله أكبر..❤️❤️❤️❤️ مشي النبىﷺعليهو وحضنو، وقال ليهو: تعال يا عبد الله أكافئك..❤️❤️
(تخيلى النبى يجى يقول ليك تعال أكافئك.. تخيلى أخلاقك، صبرك ، حجابك، إلتزامك على أى موقف عملتو ونيتك كانت خالصة لوجه الله ..فيجى رب العالمين ويكافئك عليه ♡) . المهم فرح عبد الله و مشي مع النبىﷺ لحدي بيتو❤️ ،
فالنبىﷺ قال ليهو: انتظر ..
و دخل النبىﷺ بيتو وعبد الله كان متشوق بهدية النبىﷺ😍، طلع النبىﷺ من بيتو وأداهو "عصا "عاين ليهو عبد الله.. فالنبىﷺ قال ليهو: خذها يا عبدالله
فأخدها وقال: أجل.☺️.( بكل أدب عبد الله بيتصرف مع رسول اللهﷺ، شال عبد الله العصاية و ما سأل دي شنو العصايه دي)
المهم بقي يقلب فيها يمين وشمال ،جايز فيها قوة خارقة أو أى ميزة بس طلعت ما بتعمل أى حاجة! ..😅
فالصحابة قابلوهو و سألوهو : ماذا أعطاك رسول الله ؟
فقال :هذه العصا،،
فقالوا له: وما تفعل!! عد إلى رسول اللهﷺ فاسأله،..
فقال :ما كنت لأفعل هذا،،بس ضغطوا عليه انو يمش للنبى عليه الصلاة والسلام و يسألو..
مشي فعلا وقال: يا رسول الله ما تفعل هذه العصا؟
فقال النبىﷺ : يا عبدالله خذ هذه العصا علامة بينى وبينك يوم القيامة أعرفك بها.. وتوكأ عليها وقليل هم المتوكؤن ،
فلما احتضر عبد الله بن أنيس رضي الله عنه وأرضاه أمر أن العصا توضع فى الكفن معه و كانت أحب شئ لسيدنا عبد الله☺️❤️ وكان بيقول: فكنت إذا نمت أخذتها بجانبى وإذا قاتلت كانت معى وأمرت أن تدفن معى،حتى إذا انشق عنى القبر أبحث عن رسول اللهﷺ وأقول أنا عبد الله بن أنيس وهذه العصا التى أعطيتنى إياها، وأدخل الجنة ♡..😍❤️
شايفين كيف النبىﷺ ربط و علق قلب عبد الله بالجنة،. و أي زول عاوز يعيش مرتاح يعلق قلبو بالجنة، كل حاجة فى الدنيا فيها تعب🥺 و محتاجة جهاد😢 ..
قال تعالى :" لَقَدْ خَلَقْنَا الْإِنسَانَ فِي كَبَدٍ"
يعنى الدنيا كلها تحديات و راحتك الحقيقة فى الآخرة فى الجنة، ❤️النفسو فى حاجة و ما لقاها في الدنيا دي..ما يزعل.. حيلقاها فى الآخرة😍، والاتظلم فى الدنيا حقو حياخدو،😍 والفقير هيبقى غنى فى الجنة،😍 و فى الجنة لقاء الموتى الأحباب الفارقونا😍🥹
ومره اتسأل الإمام أحمد بن حنبل قالو ليهو: متى الراحة؟
قال مع أول قدم نضعها فى الجنة.. ❤️
و عمر بن عبد العزيز قال: أيها الناس إنكم لم تخلقوا لهذه الدنيا،، إنما خلقتم للخلود♡.. عيش الدنيا و افرح و اسعى و اعرف أنو رزقك فى مصلحتك مهما كان كتير / قليل ..ربنا خير الرازقين هو الحكيم العليم بالحينفعك و الحيضرك.. اربط قلبك بالجنة وكل حاجة حتتعوض بإذن الله❤️..
يوم القيامة سيدنا محمدﷺ حيبقى واقف على الحوض و معاهو عصا يوم القيامة
،طيب ليه يا سيدنا النبىﷺ؟
قال: أذب بها الأمم عن الحوض حتى تأتوا أنتم أولا فتشربون فإذا شربتم فارتويتم.. سمحت لباقى الأمم أن يشربوا.. تخيلوا!! كل الأمم عاوزة تشرب من حوض سيدنا محمدﷺ، بس النبىﷺ عايز يشربنا نحن الأول🥹 .. أمته.. حتى فى الآخرة همك هو نحن يا رسول الله🥹 و شاغل نفسك بينا وما حترتاح غير لما أمتك تشرب وترتوي😭❤️..
طيب شكل الحاجه الحنشربا من حوض النبى ﷺشنو؟😍
أبيض من اللبن وأحلى من العسل، من شرب منه شربة هنيئة لا يظمأ بعدها أبدا..❤️❤️❤️❤️
و ربنا قال للنبى: "إِنَّا أَعْطَيْنَاكَ الْكَوْثَرَ". الكوثر ده حوض فى الجنة والنبى شافو فى الإسراء والمعراج متزكرين اكيد😍 ،
يعنى يوم القيامة النبى عندو حوضين؟ لأ.. حوض واحد، حوض الكوثر فى الجنة فى عليين و للحوض ميزابين يعنى فتحتين، الشراب بينزل منهم .. ميزاب من دهب و ميزاب من فضة🥹 .. و واحد منهم حينزل منو نهر هيتعمل مخصوص فى أرض المحشر يوم القيامة ، عشان نشرب منو فلما يخلص يوم القيامة حيترفع و يرجع فى الجنة🥹 .. ي الله❤️❤️
فالصحابة كانوا متعلقين ومرتبطين بيوم القيامة.
BY طريق لينير ظلمتك ♡
Warning: Undefined variable $i in /var/www/tg-me/post.php on line 280
Share with your friend now:
tg-me.com/qesas_sd/24439